بطلنا حسن عمره 5 سنوات، من القليوبية، دخل 57357 منذ عامين، تم تشخيص إصابته بورم خبيث خلف المعدة والرئة، فى المرة الأولى، تلقى حسن جرعات علاج كيماوى، ثم تم عمل استئصال للورم، وبعدها تلقى جرعات كيماوى، واستقرت حالته، ولكن يشاء الله أن يواجه حسن السرطان مرة أخرى منذ شهر، حيث حدث ارتداد للمرض مرة أخرى فى الرئة، وهو الآن يخضع للعلاج للمرة الثانية.
والدة حسن: “أنا أم لطفلين توأم، حسن ومراد، كانت صدمة كبيرة إصابة حسن بالسرطان، ولكن فى مستشفى 57357،خففوا عنى كتيرًا، شفت فى 57357 خدمة ورعاية لابنى مش موجودة فى أماكن كتير، يكفى إن كل رغباتابنى مجابة، ورعاية ومتابعة بنظام ودقة 24 ساعة، حتى طلباتنا كمرافقين متوافرة لنا، وكله بالمجان، 57357 شالواعن قلبى هم كبير برعايتهم لابنى، باقول لكل الناس لو عاوز تتبرع بزكاتك أو صدقتك تعالى 57357، لأنه مكان يستحق، بيقدم أحسن رعاية لولادنا،وبيعامل الكل بمساواة، وكله بالمجان،ومهما كان تبرعك حتى ولو بجنيه فيه أطفال كتير هنا محتاجينه”.
حسن: “بحب آجى هنا، علشان الكل أصحابى، أنا عملت إعلان حلو قوى للمستشفى، وقبل ما أروح التصوير، قلت لكل الناس فى البلد، أنا رايح أصور إعلان للمستشفى بتاعتى، علشان أقول فيه للناس تتبرع علشانى، وعلشان كل الأطفال اللى زيى يارب ييجى رمضان، وكلنا نخف من السرطان، وباتمنى لما أكبر أكون ظابط”.
تبرعك مهما كانت قيمته هيساعدنا فى 57357 على استمرار تقديم الرعاية والخدمات التى يحتاجها أطفالنا أثناء رحلة علاجهم، وبيقرب أطفالنا لتحقيق حلم الشفاء من السرطان.
ومع حلول شهر رمضان المبارك، ندعو الله بالشفاء لكل أطفالنا فى 57357.
