إعلان 57357.. “عمرنا ما هنقفل باب طول ما فى ناس عايزة تحارب”

جسد إعلان الرسوم المتحركة أو الكارتون “أربع بنات” لمستشفى 57357، قمة التكافل والتضامن، الذى يجب أن يكون بين كل فئات المجتمع، لتوطيد أواصر المحبة والأخوة بينهم.
تدور فكرة الإعلان حول أغنية، تحكى حال أربع بنات، يمثلن مختلف محافظات مصر، قبلى وبحرى والنوبة والأرياف، ورغم اختلاف ثقافتهن وألوانهن واهتماماتهن، وطريقة حياتهن وتفكيرهن، وبعد المسافات بينهن، فإنهن اجتمعن حول حلم واحد، وهو التغيير، ومساعدة أخت لهن أصيبت بالسرطان، وتعالج بمستشفى 57357، ففكرن جميعهن فى آن واحد، كيف يخففن عنها ويساعدنها، فقمن الأربع بنات بقص شعرهن، لصنع باروكة جميلة، و”تاج ملكة”، وجئن من بلادهن وقراهن البعيدة، يجمعهن طريق واحد، وهو فعل الخير، والتأكيد على أن المستشفى لن يغلق أبوابه إذا تكاتفنا كلنا يدا واحدة لدعمه ومساندته، و”طول ما فى ناس عايزة تحارب”.
الأغنية فكرة وإخراج عمرو كمال، وغناء ماريز لحود، ومن إنتاج قسم الميديا بمؤسسة مستشفى 57357، وقدم المستشفى الشكر للفنانة ماريز لحود لمشاركتها بالتبرع فى هذا العمل، وتقول كلمات الأغنية:
ياسمارك ويا لونك.. يا جميلة فى مضمونك
يا الكحلة اللى فى رمشك.. زينة وراسمة عيونك
رايقة ورايق نيلك.. والدنيا تغنيلك
لليل اللى فى شعرك.. للنور ده فى قنديلك
الورد فى بستانك.. طارح قبل أوانك
وضفاير على كتفك.. نازلين على فستانك
القمح فى أراضيكى.. فى لون نن عنيكى
السحر فى تفاصيلك.. والحب فى خطاويكى
الحسن الصحراوى.. والرمش السحراوى
بيدندن ويفنن.. ويألف فى غناوى
الحلوة بتتخايل.. وتسرح فى جدايل
الشمس بتستقبل.. من نورك فى رسايل
البحر ده ليه عروسة.. الباربى الننوسة
قمراية وجمالها.. الناس بيه مهووسة
دى مسكرة وشقية.. وفراشة معدية
شعرها لون الشمس.. وعنيها لون الميا
وبرغم الاختلافات فى المسافات والتفكير
وبرغم الاهتمامات.. جمعهم حلم كبير
فى طريق واحد رايحين.. عايزين يعملوا تغيير
مهو كلنا بنى آدمين.. ثابت جوانا الخير
إوعى تحس بإحباط .. ولا منك يوم يتمكن
وإن كان على الانكسارات.. هنخدلها عادى مسكن
مهما هتتعب هتقوم.. مهما الكون فيك هيخبط
الأمل أهو جاى فى يوم.. لازم على الباب هيخبط
عمرك مهتبقى وحيد.. فى ناس تسند وتهون
مهما الغامق هيزيد.. فى مليون إيد بتلون
الحلم إزاى يتساب.. هنعديله ب ١٠٠قارب
عمرنا ما هنقفل باب.. طول ما فى ناس عايزة تحارب.