الرجوع الى صفحة التبرعات

بتبرعك .. فرح بطلة 57357 بتكمل علاجها وبتتمنى تطلع ممرضة

فرح بطلة من 57357، عمرها الآن9 سنوات، دخلت المستشفى فى يناير 2024، وتم تشخيصها بسرطان الدم، وبدأت علاجها الكيماوى فور دخولها.

يقول والد فرح:

“فرح لما دخلت 57357، كانت غير قادرة على المشى بصورة طبيعية وعندها ارتفاع حاد فى درجة حرارتها وألمفى جسمها، ولما بدأت العلاج، بدأت تتحسن يوم ورا يوم،فرح دلوقتى بقت بتاخد جرعة كل أسبوع والحمد لله بتتحسن وتحاليلها بقت كويسة، ورجعت تضحك من تانى، وبقت تروح تلعب وترسم فى ورشة العلاج بالفن،وبتحب المتطوعين علشان بيهونوا عليها وقت الجرعة، وبقى عندها حلم أنها لما تخف وتكبر عاوزة تطلع ممرضة، علشان تساعد الأطفال المرضى فى 57357 وتعاملهم حلو زى ما الممرضات بيعاملوها دلوقتى”.

ويستكمل والد فرح:

“كنا الأول بنشوف المستشفى فى التليفزيون ومكناش مصدقين أن دا كله حقيقى، ولكن لما دخلنا لقينا معاملة بإنسانية واهتمام ببنتنا ومواعيد جرعاتها وراحتها حتى حالتها النفسية بيراعوها، المستشفى بتقدم لبنتى ولكل الأطفال رعاية نفسية بتهون علينا إحنا كل التعب والخوف اللى كنا حاسين به، وبيعالجوها مش بس من السرطان، لكن أى تخصص تانى كمان”.

المكان دا يستحق كل تبرع وكل جهد علشان يفضل مفتوح بالخير لكل الأطفال مرضى السرطان.

مافيش أجمل من إحساس إن بنتى بقت مبسوطة ومرتاحة من يوم ما دخلت 57357.

مستشفى 57357 فيها فرحة أكبر من أحلامك … فيها قلوب بيك حاسين

ادعوا لفرح ربنا يشفيها ويشفى كل أطفال 57357