الرجوع الى صفحة التبرعات

يوسف، بطل من 57357، عمره 5 سنوات، دخل مستشفى 57357 فى مايو 2024، وتم تشخيصه بورم فى العين اليسرى، وبدأ يوسف رحلة علاجه، تحت إشراف د. أسماء الششتاوى، الطبيب المعالج له فى 57357، تلقى يوسف جرعات كيماوى وجلسات علاج إشعاعى، والحمدلله حالته فى تحسن والورم يستجيب للعلاج، وعينه أصبح شكلها أقرب للطبيعى والرؤية أفضل.

تحكي والدة يوسف عن تجربتهم في مستشفى 57357، قائلة:

“كل الناس هنا قلبهم علينا، مش بس على الطفل، المكان هنا بيحسسنا أننا وسط أهلنا، مرض يوسف أثر على نفسيته جدًا، ولكن التشجيع والكلام الإيجابى والرعاية الصحية إللى عشناها هنا فى 57357 ساعدت ابنى على الخروج من عزلته ، وما بقاش حاسس إنه مختلف عن باقى الأطفال،

يوسف بيحب كل الدكاترة والتمريض اللى بيتعاملوا معاه، وما بقاش يخاف من الجرعات، وبيقول أنا هخف إن شاء الله يا ماما، يوسف بيحب يطلع الورشة يرسم، ورجع يشوف الحياة زى أى طفل طبيعى، أنا بقول لكل الناس اللى بتتبرع كتر خيركم وخليكم دايمًا سند لعيالنا، كفاية دعاء طفل برىء وأسرته علشان ساهمت فى علاجه”.

يوسف وزيه كتير من أطفال 57357، أملهم فى ربنا كبير فى الشفاء وبدعمكم وتبرعاتكم هيكملوا مشوار علاجهم ويرجع لعيونهم نورها بإذن الله.