زين، طفل عنده ٧ سنين، من القاهرة، بدأ رحلة تحدى صعبة فى رمضان 2024، حينما دخل 57357، وتم تشخبصه بورم نادر فى عظام الكتف الأيمن . ورغم أن المرض كان صعبًا، زين كان أمله كبير أنه يشفى تمامًا ويستقبل رمضان 2025، وهو بصحة أحسن.
رحلة زين مع العلاج، فى مستشفى 57357، بدأت كما قرر الأطباء بـ ٦جرعات كيماوى ، وبعدها جراحة دقيقة لاستئصال الورم، وبسبب دقة الحالة ، تم تركيب نصف مفصل صناعى، مع استخدام اسمنت العظام الطبى، وبعد الجراحة ، قرر الأطباء استكمال زين لعلاجه الكيماوى، وهو حاليًا فى انتظار تحديد موعد آخر جرعة، للانتهاء من رحلة العلاج، وبداية المتابعة إن شاء الله.
والدة زين، تحكى عن رحلة المرض، وتقول: “كنت مصدومة من خطورة حالة ابنى، لكن مستشفى 57357 بفضل ربنا عملوا معجزة، استأصلوا الورم فى الوقت المناسب، وقدروا يسيطروا عليه، وزين عدى مرحلة الخطر، وأملنا فى شفائه كبير جدًا، المستشفى قدمت لزين اعلى مستوى من الرعاية الصحية والنفسية ، وكل دا بالمجان، وهنستقبل رمضان 2025 وكلنا امل فى الشفاء الكامل لابننا … دعواتكم له.
زين وفيه أطفال كتير زيه، محتاجين يكملوا علاجهم، ومحتاجينك تكون سند ليهم، علشان يقدروا يتغلبوا على المرض.. تبرعك، سواء كان صدقة أو زكاة، هيفرق مع زين ومع آلاف الأطفال . كن سببًا فى علاجهم، وساعدهم يرجعوا لحياتهم من جديد.