أم الطفلة: “بصراحة كنت فاكرة مستشفى 57357 كلام إعلانات .. لكن بجد دى حاجة تشرف، بصراحة والله .. والله .. كنت فاكرة مستشفى 57357 كلام إعلانات .. لكن بجد دى حاجة تشرف، الحمد لله .. خديجة بنتى هتدخل العمليات بكرة الصُبح الساعة عشرة .. محتاجة دعواتكم“.
بهذه الكلمات الجميلة، أجابت أم الطفلة خديجة، التى تبلغ من العمر 4 سنوات، وتُعالج بمستشفى 57357، على سؤال الشيف علاء الشربينى، على أحوال خديجة وأحوال مستشفى 57357 معها، وذلك فى برنامجه اليومى “أحلى أكلة”، الذى يُذاع على قناة ON.
كانت أم الطفلة خديجة، قد اتصلت ببرنامج “أحلى أكلة”، الذى يُقدمه الشيف علاء الشربينى، لأن ابنتها خديجة تحبه، وقالت: “أنا خديجة بنتى عندها 4 سنوات، ونفسها تكلم حضرتك .. هى محجوزة فى مستشفى 57357 وهتعمل بكرة إن شاء الله عملية استئصال ورم فى البطن .. وهى عايزة تكلمك .. لأنها بتحبك جدا، وأى حد يسألها نفسك تبقى إيه .. تقول نفسى أبقى الشيف علاء..“
ورحب الشيف شربينى بمكالمة الطفلة خديجة، قائلًا لها: “أهلًا .. أهلًا .. أهلًا .. إزيك .. اسمك إيه يا حلوة .. وعندك كام سنة .. وبتحبى المطبخ ولا لأ”، وأجابت عليه بأن اسمها خديجة مختار .. وعندها 4 سنوات .. وبتحب المطبخ .. وبتحب البانيه، وسألها عن صحتها وأحوالها، طالبًا منها أن تكون قوية وزى الفل علشان العملية تعدى على خير وتيجى عنده البرنامج. ووعد الشيف شربينى الطفلة خديجة بزيارتها بعد إجراء العملية: وقال: “هنظبط علشان نيجى نزور خديجة إن شاء الله.. ربنا يحفظهالك .. ربنا يخليهالك يارب .. وتبقى أحسن البنات .. إن شاء الله .. ربنا يشفيها ويكرمها .. ويقومها بالسلامة .. وإن شاء الله أنا هاجى بنفسى أشوف خديجة .. دى زى بنتى ربنا يخليهالكم ويحفظهالكم .. ده شرف ليا تتابعونى .. وشرف ليا تكلمنى خديجة ليلة العملية .. والله على راسى.. ربنا ما يورينىا أى حاجة وحشة فى أولادنا .. ويجعلها كده بنت صالحة .. وتبقى أحسن خديجة فى الدنيا .. شكرًا ليكم شكرًا متابعتكم .. وبطلب من الجمهور .. وبطلب من أى حد سامع المكالمة دى .. يدعى لها، يارب أولادنا كلهم يكونوا بسلامة وخير.
لمشاهدة الفيديو إضغط على اللينك :