بعد ايام قليلة هنحتفل بمرور ١٦ سنة على افتتاح 57357
وهيحتفل معانا الاف الأطفال، اللى ربنا شفاهم، ورجعوا لحياتهم،اتعلموا واتخرجوا ، وبدأوا حياه جديدة
-لكن لسة فيه أطفال كتير بيحاربوا المرض ، وبيحلموا بالفرحة،
من يوم ما بدأنا واحنا بنخطط بالعلم ، وبنطور وبننجز ، والعالم كله اعترف بمكانتنا الكبيرة،
والشهر ده احتفلنا بتخريج 13 مكمتدرب من من البرنامج الدولى لمكافحة العدوى اللى بيتم بيننا وبين مستشفى سانت جود الأمريكية
وده اعتراف عالمى بمكانتنا الدولية واننا بقينا مركز معتمد للتدريب العملى للبرنامج الدولى الكبير ده
وتأكيدا لمكانة 57357 وريادتنا فى الصيدلية الاكلينيكية ، دربنا طلاب كلية الصيدلة بجامعة تكساس الأمريكية.
-احنا كمان السنة دى فتحنا وحدة السايبر نايف اللى بتعتبر طفرة فى العلاج الإشعاعى ، وبنستعد لفتح مبنى البروتون ثيرابى ، وبنجهز لتوسعة وحدة زرع النخاع اللى هيساهم فى إنقاذ عدد أكبر من مرضى الحالات الخطيرة والمرتدة.
- عندنا كمان تطوير مستمر للأقسام ، وتحديث مستمر للأجهزة والمعامل والغرف ، وتكاليف الإقامة الكاملة والتغذية الصحية للأطفال، عندنا كمان بحث علمى ، وأبحاث بتتنشر فى أكبر المجلات العلمية العالمية، أنقذنا حالات خطيرة، وعملنا جراحات دقيقة ونادرة، وكمان بنعلّم ونخرّج كوادر صحية جديدة ..
-ومش هنبطل نحلم لولادنا ..
- صحيح العبء كبير ، وتكاليف العلاج ضخمة
لكن احنا متمسكين بالجودة والتميز ، وحريصين على التطوير ، و عندنا دايما إنجازات جديدة،لأن ولادنا يستاهلوا أفضل رعاية،
احنا مش بس بنقدم العلاج، لكن حريصين نوفر لولادنا بيئة صحية آدمية ،
يقول سبحانه: لَنْ تَنَالُوا الْبِرَّ حَتَّى تُنْفِقُوا مِمَّا تُحِبُّونَ [آل عمران:92]
-من قلوبنا ، وقلوب كل اطفالنا اللى انتصروا على المرض ، واللى لسة بيحاربوا ويحلموا بالشفاء ، بنشكرك على ثقتك فينا ووقفتك جنب ولادنا ، وحرصك على دعمك لنا فى أصعب الظروف .
-كل سنة وانت بتشاركنا نسعد طفل جديد ونخفف الامه ، علشان يعيش معانا فرحة العيد.
وَمَا أَنْفَقْتُمْ مِنْ شَيْءٍ فَهُوَ يُخْلِفُهُ وَهُوَ خَيْرُ الرَّازِقِينَ [سبأ:39]،