خديجة بطلة من أطفال 57357 من الاسماعيلية ملاك جميل بتحب كل الناس عمرها الآن 3 سنوات ونصف, بطلتنا دخلت المستشفى في يوليو 2023 ، وتم عمل الأشعات والتحاليل ،التي أثبتت إصابتها بسرطان الدم و بدأت فورا فى تلقى جرعات الكيماوى تحت إشراف الطبيب المعالج لها استشارى أورام الأطفال ب57357 د. إيمان سيدهم
و فى مايو 2024 بعد أن أظهرت التحاليل الدورية تحسن حالة خديجة و استقرارها قررت لها طبيبتها المعالجة البدء فى مرحلة المتابعة كل شهرين و فى اخر متابعة أكد تحليل البذل عدم وجود أى آثار للسرطان و أن خديجة تتمتع بصحة جيدة …… ورجعت بطلتنا لحياتها الطبيعية والحمد لله رجعت تلعب وتجرى زى كل الأطفال .
تقول أم خديجة :” زمان كنت فاكرة اعلانات المستشفى دى دعاية و بس لكن بعد ما عشت التجربة و شفت بعيني معاملة الأطباء والاهتمام الكبير اللي أخذته خديجة و الرعاية و العلاج و كل حاجة حلوة بيعملوها لولادنا ,أنا دلوقتى باتبرع للمستشفى، وبشجع كل الناس يساعدوا، لأن مستشفى 57357 تستحق كل جنيه لأنهم بيخدموا ولادنا بالتبرعات دى “
الحمد لله على سلامتك يا خديجة و عقبال كل أبطال 57357 و ربنا يشفى كل مريض
