ليلى، بطلتنا عندها 7 سنين، من شبين القناطر – قليوبية، مثال كبير على القوة والصبر فى مواجهة المرض، دخلتمستشفى 57357 فى يونيو 2023، وتم تشخيصها بورم بالفص الأيمن للكبد، وده كان بداية رحلة طويلة وصعبة مع العلاج، حيث بدأت ليلى بتلقى 6 جرعات كيماوى، ثم أجرت جراحة لاستئصال الورم من الكبد، وبعدها تلقت 4 جرعات كيماوى، وأظهرت تحاليل متابعتها تقدمًا وتحسنًا كبيرًا فى حالتها، بل وعاد كبدها للنمو مرة أخرى،وأصبحت حالتها جيدة، وبدأت مرحلة متابعة فى شهر يونيو 2024، ولكن فى شهر سبتمبر من نفس العام، أظهرت تقارير المتابعة، إرتداد المرض، ولكن هذه المرة فى الرئة، وقرر لها الأطباء تلقى جرعتين كيماوى، ثم تم إجراء عمليةلاستئصال الورم من الرئة فى ديسمبر 2024، وقرروا لها تلقى جرعتين من العلاج الكيماوى، تلقت واحدة، و تتلقى الآن الجرعة الثانية فى 57357 وتتابع مع الأطباء.
تقول والدة ليلى: “بادعى دايما ربنا يشفى ليلى وكل اللى زيها، أنا شوفت سنة ونص من أصعب سنين عمرى من يوم تعبها، ولكن مستشفى 57357 خففت علينا كتير، علاجها كله مجانًا، هونوا عليا بمعاملتهم لينا واهتمامهم ببنتى، رعاية فوق الوصف،ونظافة ومتابعة لحالة ليلى كأنها بنتهم،إدونى الأمل فى الشفاء ، والدكتورة عزة، المسئولة عن متابعة حالتها وكل الدكاترة معانا دايمًا خطوة بخطوة”.
ليلى مش بس بطلة فى معركتها ضد السرطان، لكن كمان عندها حلم كبير تكون دكتورة فى 57357 و تساعد الأطفال زى ما الدكاترة ساعدوها.
علشان ليلى وغيرها كتير من أطفال 57357، المستشفى بيقدم أفضل رعاية وبيتوسع فى تقديم خدماته الصحية، مثل “توسعة قسم الطوارئ”لتقديم أفضل رعاية للحالات الحرجة التى تتطلب تدخلًا سريعًا وفعالًا لإنقاذ حياة أطفالنا.
تبرعك بصدقتك وزكاتك يساهم فى توفير أفضل رعاية وعلاج لأطفال 57357 ويساعدهم يحققوا حلم الشفاء من السرطان.