“تبرعك مهما كان صغيرًا .. هو سر الخير والبركة”

كل عيد واحنا دايمًا متجمعين فى الخير، علشان نرجع ضحكة ولادنا .. ويفرحوا بالعيد زى كل الأطفال.

ولادنا دايمًا فى عنينا، ورغم نقص التبرعات والظروف الصعبة اللى بنمر بها، قدرنا والحمد لله نحميهم، ونُوفر لهم جودة الرعاية الصحية، ونُوفر كمان بيئة صحية للعاملين بالمستشفى، علشان يقدروا يواصلوا رسالتهم فى رعاية أطفالنا بكل الحب والرحمة.

وقفتك معانا فى الظروف الصعبة، هى اللى بتساعدنا على الاستمرار، هى اللى بتساعدنا نُوفر تكاليف فترة العلاج الطويلة، اللى بتوصل لسنتين أو ثلاثة، بتساعدنا نُوفر تكاليف التشغيل اليومى من الأدوية والمستلزمات، والتحاليل، والأشعات، وتكاليف العلاج الكيماوى والإشعاعى، ومستلزمات الجراحة، وتغذية الأطفال، والنظافة، والتعقيم المستمر، بالإضافة لتكلفة تحديث الأجهزة وصيانتها الدورية، ومستلزمات المعامل وغيرها الكثير.

تبرعك مهما كان صغيرًا، هو سر الخير والبركة، اللى بيساعدنا نستمر، علشان ننقذ أطفال أكثر، ويفرحوا بالعيد زى كل الأطفال.

من قلوبنا، وقلوب كل أطفالنا المرضى وأهلهم، ومن قلوب أطفالنا اللى انتصروا على المرض، ورجعت لهم ضحكتهم، بنشكرك على ثقتك فينا ودعمك لنا، وبنقول لك كل عيد وأنت دايمًا شريك فى الخير.

“ومن أحياها فكأنما أحيا الناس جميعًا”

{إِنَّ الْمُصَّدِّقِينَ وَالْمُصَّدِّقَاتِ وَأَقْرَضُوا اللَّهَ قَرْضًا حَسَنًا يُضَاعَفُ لَهُمْ وَلَهُمْ أَجْرٌ كَرِيم}.

صدق الله العظيم