حمزة بعد الشفاء بيحلم يطلع ظابط

حمزة، عنده 9 سنين، من القاهرة دخل 57357 فى يناير 2021، تم تشخيصه بورم فى عضلات العين.

حمزة أجرى جراحة استئصال للورم،وبعدها خضع للعلاج الكيماوى، رحلة علاجه استمرت حوالى سنتين بعدها قرر له الطبيب المعالج بدء مرحلة المتابعة كل 3 شهور والآن يقوم بالمتابعة كل 6 شهور.

وعن بداية تعب حمزة، تقول والدته:أنا لاحظت ورم شكله غريب جنب العين، ولما عرضته على دكتور رمد وبعد الأشعات و التحاليل نصحنى بالتوجه فورًا لـ57357، كانت صدمة كبيرة بالنسبة لى خاصة أن الدكتور قال إن الورم، كان قريب جدًا من المخ، لكن أول ما دخلنا المستشفى وشفنا الاهتمام والسرعة فى عمل العملية و تقديم كل العلاج و الرعاية اللازمة، قلبى اطمن على ابنى، وطول فترة علاجه لو اشتكى من أى تعب تانى فى جسمه بروح به 57357 على طول وبيعالجوه ، وكل دا مجانًا.

أنا شوفت إنسانية فى التعامل فى 57357 خففت عليا كتير قوى من زعلى على ابنى ، واطمنت دلوقتى بعد ما ربنا كرمنا وبقى كويس، أنا باشجع كل الناس تتبرع لمستشفى 57357، وربنا يجازى اللى بيشتغلوا فى المستشفى كل الخير على تعبهم مع ولادنا .
سألت حمزة عن أمنيته فى بداية العام الجديد، فقال: “نفسى أبقى كويس كدا على طول وما ارجعش أتعب تانى أبدًا لأن عندى حلم ونفسى أحققه، باتمنى لما أكبر أطلع ظابط”.

تبرعك ساعد حمزة يكمل مشوار علاجه، وينتصر بفضل ربنا على السرطان، كمل معانا مشوار الخير علشان أطفال تانية كتير فى 57357 زى حمزة يكملوا علاجهم ويحققوا حلم الشفاء بإذن الله.