طلاب مصر زى ما ساهموا فى بناء الحلم الأول وقدموا أكبر تبرع عند انشاء مستشفى 57357 ، النهاردة جايين يساهموا علشان حلم التوسعات الجديدة يتحقق.
قام مجموعة من طلاب مدرسة منشية جبريل بالبساتين بزيارة لمستشفى 57357 للتبرع بصندوق الخير، الذى يضم تبرعات جمعوها من زملائهم بالمدرسة للمساهمة فى رحلة علاج إخوتهم ، وكذلك فى التوسعات الجديدة. وعن فكرة الصندوق، تقول تقوى محمود: “إحنا فكرنا نعمل صندوق للتبرع لـ57357، والفكرة جت لنا لما كان عندنا درس فى المنهج عن فوائد التبرع، ففكرنا فى فكرة الصندوق ولفينا به على كل التلاميذ زمايلنا فى المدرسة،
ربنا يشفى كل مريض يارب”. أما عبد الرحمن، فقال: “زمايلنا اتبرعوا من نفسهم محدش قالهم يتبرعوا
بكام.. كل واحد دفع اللى قدر عليه، وحتى لو التبرع بسيط، فهو عند ربنا حاجة كبيرة، لأن الحسنة بعشرة أمثالها”.
كل يوم فى 57357 زيارات من مدارس من كل مكان فى مصر، طلاب كتير بيزوروا إخوتهم فى 57357، وبيتبرعوا علشان مشوار علاجهم، وبيقضوامعاهم وقت جميل وبيفرحوهم وبيطمنوهم إن الشفاء قريب بإذن الله.
شكرًا طلاب مصر الجيل اللى هايبنى مصر مع إخوتهم من 57357 وهايرسموا لها مستقبل مشرق بإذن الله.
