“فى بيت ردينة.. رمضان السنة دى شكل تانى” بصدقتك وزكاتك فى رمضان الفرحة هتدخل بيوت كتير

فى بيت ردينة، رمضان السنة دى شكل تانى، رمضان دخل بالفرحة على كل أهل البيت.
من 3 سنين، ردينة دخلت مستشفى 57357، بورم فى الغدة الكظرية، كانت حالتها صعبة، بتصرخ من الوجع، ومش قادرة تمشى، لكن السنة دى ردينة،7 سنين، بتحتفل مع أهلها برمضان، وبتلعب مع أخوتها بالفوانيس، وبتشوف معاهم إعلانات 57357، وبتقول عايزة أروح أشوف أصحابى الدكاترة والممرضات، وألعب فى الجنينة، وأرسم فى الورشة.
رحلة علاج ردينة، كانت طويلة وصعبة، 6 جرعات كيماوى مكثف، و4 مخفف، وجراحة للورم، وبعدها كملت جرعات الكيماوى، لكن الورم عند ردينة كان من الأورام الصعبة، كانت محتاجة تزرع نخاع علشان نسبة الشفاء تزيد، ردينة استنت دورها، لأن السراير محدودة، وأطفال كتير محتاجين زرع النخاع.
لكن الحمد لله، ردينة زرعت النخاع من شهرين، ورجعت لها ضحكتها، ورمضان السنة دى دخل بالفرحة على البيت وأهل البيت.
مفيش أصعب من المرض، ومفيش أغلى من الضنا.
ساهم بصدقة رمضان فى علاج ولادنا، وساعدنا نكمل توسعات وحدة زرع النخاع، علشان ننقذ أطفال تانيين زى ردينة.

“عايزين فرحة رمضان تدخل كل بيت”