| أبطال 57357 إصرارهم بيزيد على مواجهة السرطان باذن الله وبمساعدة كل إيد بتتمد لهم بالخير، وبطلتنا “مسك”، عمرها 4 سنوات، بدأت رحلتها مع سرطان الدم من عمر 6 شهور، دخلت فى 2020 المستشفى، كانت حالتها غير مستقرة.تم حجزها بالمستشفى شهرين ونصف، تلقت جرعات علاجها الكيماوى، وتلقت رعاية مكثفة ، صحية ونفسية، وبعد ثلاث سنوات ونصف، “مسك” الآن كبرت وانتصرت على المرض، وبدأت من شهرين متابعة، وأظهر تحليل البزل الأخير، الذى أجرى لها قبل عيد الفطر نتائج مطمئنة، واستجابة جيدة نقلتها من مرحلة العلاج لمرحلة المتابعة، وذلك بعد انتهاء جرعات علاجها بالكامل على خير، والحمد لله. تقول والدة “مسك”: “فى البداية مكنتش أعرف حاجة عن 57357، ولكن لما مسك تعبت ولفينا بيها علشان نعرف عندها إيه، وتم حجزها بالمستشفى اتفاجأنا بالرعاية والاهتمام، وبالرغم من أن حالتها كانت خطيرة، لكن قلبى اطمئن، ورغم أنها دخلت فى عز أزمة كورونا، لكن المعاملة الآدمية والرعاية الصحية والنظافة والاهتمام، طمنونى عليها، ورجعولى الأمل أنها ممكن تخف وتكبر قدام عينى وافرح بها زى كل البنات، 57357 بيسهلوا علينا رحلة ولادنا مع السرطان دول ملايكة على الأرض بادعى من قلبى ربنا يحفظ المستشفى، لأنها هى الأمل لولادنا” . وتحدثنا مع مسك، قالت: “بحب أصحابى، هنا عمو سعيد، وعمو أيمن اللى صورونى، وميس سمر فى الورشة، وكروان، علشان بيلعب معايا، أنا كمان باطبخ حلو قوى فى الورشة على المطبخ بتاعى، وعندى شنطة دكتور وسماعة، علشان لما أكبر هابقى دكتورة”. مسك اتعالجت وكبرت وسط عيلتها التانية فى 57357 بفضل ربنا وبدعم كل إيد اتمدت بالخير، أدعولها ربنا يتم لها الشفاء هى وكل أطفال المستشفى. |
“مسك” بطلة 57357 تتحدى السرطان وتبدأ مرحلة المتابعة لاستكمال الشفاء
والدة “مسك”:
“57357 ، هوّنت علينا رحلة ولادنا مع السرطان..
