نورين 7 سنين، وأختها ناردين 10 سنين، السرطان هاجمهما من سنة، وفى نفس الشهر، دخلوا 57357 مع بعض. نورين مصابة باللوكيميا، وناردين ورم فى المخ.
تجربة الأم:
• كنا بنتبرع فى رمضان لأطفال 57357، ومكنتش عارفة إن الخير هيترد لنا بسرعة فى بناتى، ولما اكتشفنا مرض نورين وناردين، فكرنا فورًا فى 57357.
• من يوم ما اتحجزوا هنا، وهما بيتعالجوا أحسن علاج، وبنتعامل أفضل معاملة، والحمد لله أنها مستشفى بالمجان بتعالج بناتى من غير ما ندفع أى تكاليف، رغم أن العلاج طويل ومكلف جدًا.
قوة الشجاعة:
تقول الأم: “أنا اتعلمت الشجاعة من نورين، هى اللى دخلت المستشفى الأول بعد ما اتشخصت باللوكيميا، ورحنا بيها عيادة الكشف المبدئى فى 57357، وقعدت على قايمة الانتظار لغاية لما جه دورها، ودخلت المستشفى، وبدأت العلاج، وسبحان الله، فى نفس الشهر، المرض هاجم ناردين كمان.
رحلة العلاج:
• مش قادرة أوصف الاهتمام اللى شفناه فى المستشفى، أخلاق الدكاترة والممرضات وفريق الدعم النفسى وجميع العاملين فوق الوصف، كانوا حاسين بينا وبالصدمة اللى عايشينها، والكل كان بيحاول يساعد ويخفف عنا.
• نورين حالتها بدأت تتحسن بعد سنة من العلاج الكيماوى، وإن شاء الله هتخف، لأننا عرفنا أن نسب الشفاء من اللوكيميا فى 57357 بتوصل 78%.
• ناردين عملت جراحة صعبة جدًا لاستئصال ورم من المخ، والحمد لله الجراحة نجحت، بفضل ربنا ودكاترة 57357 اللى طمنونى قبل العملية، وعرفونى أن نسبة الشفاء من سرطان المخ فى 57357 “64.6%” .
والحمد لله ناردين اتحسنت كتير، لكن لسه تحت المتابعة والعلاج، أملنا فى ربنا كبير، وإن شاء الله ربنا هيكرمنا فى البنتين.
استفسارات الأم
وتسأل الأم أطباء مستشفى 57357:
هل السرطان له أسباب وراثية علشان كده بناتى الاتنين اتصابوا بيه؟
وكانت إجابة أطباء 57357 بنعم، قد يكون هناك طفرة وراثية مشتركة بين الأختين، تجعل خلاياهما عرضة للإصابة بالسرطان. ويُمكن لنفس الطفرة أن تسبب أنواعًا مختلفة من السرطانات فى نفس العائلة، مثل سرطان الدم (اللوكيميا)، وسرطان المخ. مستشفى 57357 هى أول مستشفى فى مصر لديها قسم مخصص للاستشارات الوراثية، والذى يُساعد فى تحديد الطفرات الوراثية لدى مرضى السرطان من خلال تحاليل جينية متقدمة ودقيقة.
التعرف على الطفرات الوراثية مهم جدًا فى العائلات التى لديها تاريخ متكرر للإصابة بالسرطان، مثل حالة نورين وناردين. هذا يُساعد فى اتخاذ قرارات طبية مهمة، مثل مراقبة المريض بشكل مختلف لتجنب عودة المرض أو متابعة أفراد آخرين فى العائلة قد يكونون عرضة للإصابة بالسرطان دون علمهم بذلك.
فى بعض الأحيان، معرفة نوع الطفرة الوراثية المسببة للمرض، يُساعد أيضًا فى اتخاذ قرارات علاجية، حيث يُمكن أن تُوجه الأطباء لاختيار العلاج الأنسب بناءً على نوع الطفرة.
هل يُمكن للفرد اكتشاف الطفرة الجينية، التى قد تعرضه لاحتمالية أعلى للإصابة بالسرطان؟
نعم، يُمكن ذلك من خلال إجراء تحليل جينى متوفر فى مستشفى 57357. يُساعد هذا التحليل فى تقديم توقعات دقيقة حول المخاطر والخيارات المتاحة للمريض وعائلته فى حالة وجود طفرة وراثية. بالإضافة إلى ذلك، يُمكن إجراء تحاليل دلالات الأورام، ما يُساهم فى الكشف عن السرطان فى مراحله المبكرة.
هل يُمكن أن يكون السرطان مرضًا معديًا؟
لأ.. السرطان غير معدٍ بشكل عام، ولا ينتقل من شخص لآخر مهما كان الاتصال بينهما.
كلام من القلب:
وتُؤكد الأم: “أنا وأبوهم مفوضين أمرنا لله، وعارفين إن ده اختبار لإيماننا وصبرنا. راضيين وشاكرين، ونفسنا نعمل أى حاجة نرد الجميل ل57357، لأنها أكرمتنا كتير فى بناتنا، وحقها علينا نساعدها علشان تعالج كل الأطفال.
وجودك بيفرق:
متوسط تكلفة علاج سرطان الدم حوالى 700,000 جنيه تقريبًا ، وعلاج سرطان المخ حوالى 600,000 ألف جنيه تقريبًا، رحلة علاج نورين وناردين وكل أطفال 57357 مستمرة بدعمكم لأنكم دايمًا سند وضهر لأطفالنا.