زرع النخاع، فرصة وأمل فى الشفاء، وبطلنا يزن، 7 سنوات،تحمل رحلة علاج، بدأت من نهاية 2019، دخل خلالها يزن 57357،وتم تشخيصه بالإصابة بالسرطان فى الغدة الكظرية، وبدأ رحلته بتلقى جرعات كيماوى، ثم إجراء جراحة لاسئصال الورم بعدها تلقى جرعات كيماوى، ولكن التحاليل، أثبتت أن حالته تحتاج لزرع نخاع، وبالفعل تم عمل زرع نخاع للبطل يزن، وعاش فى العزل 30 يومًا ابتسامته، كانت هىصديقته، وصبر على كل الألم،وبعده عن ماما وبابا، وخلص الفترة على خير، وبدأ جرعات الإشعاعى،وانتهى منها الحمد لله، والآن يستكمل يزن رحلة علاجه، التى قاربت على الانتهاء، وكل يوم بيستعد لحلمه فى الشفاء من المرض اللى قرب يتحقق بإذن الله.
تقول والدة يزن: “كنت أعرف 57357 من الإعلانات، ولما دخلتبابنى لقيت دنيا تانية أجمل بكتير من اللى بنشوفها فى الإعلانات،ومجهود من الدكاترة والتمريض وإمكانيات ونظافة ملهاش وصف،والمعاملة اللى بنتعاملها فى منتهى الإنسانية وعمرى ما هانسى اللى عمله د/ ياسر يوسف، الاستشارى المعالج،ليزن، كنا فى وقت كورونا، وكنت مرعوبة على ابنى من أى حاجة،يحس بيها، وكان يوم أجازة ود.ياسر مش موجود فى المستشفى، لكن جالى مخصوص علشان يطمن على ابنى ويطمنى،المستشفى دى فيها إنسانية بتجبر خاطرنا وخاطر عيالنا، ورعاية على أحسن ما يكون، ربنا يكرمهم.
وتستكمل والدة يزن بعد اللى شوفته بيتعمل علشان ابنى فى 57357،باقول لكل الناس اللى بتتبرع للمستشفى، ربنا يجعله فى ميزان حسناتكم، وفعلا أنتم بتتبرعوا فى المكان الصح اللى يستحق، لأنه بيوفر أحسن رعاية وعلاج لولادنا،وباقول لكل أم ليها طفل بيتعالج فى المستشفى، خلى أملك فى ربنا كبير، وادعو كتير وقولوا يارب.
زرع النخاع العظمى، ھو إجراء، یتم فیه ضخ الخلایا الجذعیة المكونة للدم فى جسم الطفل المريض،لتحل محل النخاع العظمى التالف أو المصاب، لأن الطفل قد يحتاج إلى زراعة النخاع العظمى، إذا توقف نخاع العظم عن العمل، ولم ینتج ما یكفى من خلایا الدم السلیمة، أطفال كتير فى 57357 محتاجين دعمك علشان تنقذ حياتهم، ويكملوا رحلة علاجهم،والمستشفى الآن تسعى لزيادة عدد غرف زرع النخاع من 9 غرف إلى 27 غرفة، وذلك لعلاج أطفال أكثر وتحقيق حلمهم فى الشفاء، خليك فى ضهر ولادنا وكن سببًا فى توفير أمل جديد فى الشفاء بعمل زرع نخاع لطفل فى 57357 .
ربنا يكمل شفاك يا يزن، ويشفى كل مريض، وكل أطفال 57357 .