يوسف، من أبطال 57357، عمره 7 سنوات، بدأ رحلة علاجه فى المستشفى فى أبريل الماضى 2022، وتم تشخيصه بإصابته بورم ليمفاوى ضاغط على الحبل الشوكى، أثر على قدرته على المشى، وسبب له آلامًا فى الساقين،بدأ العلاج الكيماوى، وتلقى ثلاث جرعات، وبدأ الألم يقل، وبدأت حالته تتحسن.
تقول والدة يوسف: “كنت باسمع عن المستشفى من الإعلانات، وكلنا كنا بتبرع أنا ووالدى، وحتى يوسف كمان بيتبرع دايما باللى فى حصالته ، ولكن بعد صدمتى فى مرضابنى، ولما شوفت المستشفى والجهود اللى بيعملوها فى رعاية ولادنا وكلها بالمجان، حسيت قد إيه المستشفى والأطفال فى أمس الحاجة للتبرعات، لأن العلاج غالى جدًا، والأطفال المرضى كتير، ومش أى حد عنده الإمكانيات يتحمل التكاليف دى كلها، باقول لكل الناس أرجوكم مهما كانتإمكانياتكم، تعالوا اتبرعوا للمستشفى، أطفال كتير ومنهم يوسف ابنى منتظرين يكملوا علاجهم، ومن غيركم مش هايكملوا”.
وبالحديث مع يوسف، قال: “أنا كنت خايف فى الأول، لكن دلوقتى التمريض بقوا أصحابى وبحبهم وبأقضى وقتى بعد الجرعة فى الورشة، بحب ألون وأرسم، وعلى فكرة أنا شوفت علا رشدى، زارتنا وفنانين كتير شوفتهم، ولعبوا معانا هناك، أنا هاقضى العيد فى المستشفى، باقولكم كلكم كل سنة وأنتم طيبين، تعالوا زورونى وادعولى يارب أخف بسرعة علشان أكبر وأطلع ظابط”.
