بمناسبة اليوم العالمى للفتيات، الذى أقرته الأمم المتحدة يوم 11 أكتوبر
من كل عام، ويتم الاحتفال به منذ عام 2012، نستعرض بعض قصص بطلات 57357
..
ففى هذا المستشفى.. كل يوم نرى بطلة تثبت أنها أقوى من السرطان، وانها
تغلبت على خوفها .. وانتصرت على المرض.
ومن بطلاتنا فى 57357 “لى لى ” الجميلة المنتصرة على سرطان الدم، والتى
احتفل 57357 بشفائها على العربة الفرعونية، كملكة متوجة، منتصرة على
السرطان.. “لى لى” بتقول: “أنا فرحانة علشان خلصت علاج، وماخفتش وانتصرت
على السرطان، ولما أكبر هابقى دكتورة فى 57357، علشان أعالج كل الأطفال”.
أما “سلوان”، فهى بطلة كبيرة، انتصرت على سرطان المخ، واتحدت كل
الآثار اللى اترتبت على معركتها مع السرطان، ومنها فقدان البصر، وبتواصل
دراستها فى مدرسة للمبصرين بكل تفوق.. وتقول سلوان: “أنا عندى ثقة فى
نفسى، وحاسة إنى مميزة.. والحمد لله أنا أقوى من المرض بإذن الله.. وحلمى
مش هايقف وهاحققه وهادخل كلية إعلام وهابقى مذيعة”.
سلوان ولى لى نموذجان لفتيات صغيرات من 57357، لكنهن بطلات، وقصة كل
منهما مع تحدى المرض مثال للقوة، يتعلم منها الكبار.. 57357 مليانة
أبطال، وكل يوم بيتحقق حلم فى الشفاء بفضل ربنا وبدعم كل القلوب المليانة
بالخير.
والنهاردة بنقول لكل بنت فى 57357 كل عام وأنتِ بخير.. النهاردة أنتِ
طفلة لكنك بطلة.. انتصرتى على السرطان.. وبكرة هاتبقى قائدة كبيرة فى
المجال اللى بتتمنيه وهاتشرفى مصر كلها بجهودك ونجاحك بإذن الله
