ياسين 4 سنوات، من محافظة المنيا، احتفل الأسبوع الماضى بانتهاء فترة العلاج وبداية فترة المتابعة بعد ظهور نتائح الفحوصات وتحسنه بفضل الله، بطلنا دخل 57357 فى يناير 2020، وعمره ثلاث سنوات، كان يُعانى من ورم بالمثانة، ورغم أنه عاش فترة صعبة، فإنه بفضل الله تحسنت حالته، وأكمل جرعات علاجه، وبدأ يحلم بمستقبله، وقال “بكرة لما أكبر هاطلع ظابط قد الدنيا”.
والدة ياسين: “أنا عشت فترة صعبة على أى أم .. صدمة مرض ابنى الوحيد وخوفى عليه من الفقد ورؤيتى له وهو بيتألم .. كان أصعب إحساس، ولما دخلنا 57357 كنت فاكرة أن اللى بنشوفه عن المستشفى فى التليفزيون إعلانات وبس، ولكن لما دخلنا وشفت بعينى، واتأكدت أن كل حاجة حقيقية .. وشفت الإهتمام من الكل والإنسانية فى التعامل، خاصة الطبيبة المعالجة لياسين د. سهى كريم ، والتى حدثتنى بصراحة ورحمة على حالة ابنى، ومتابعتها لنا بالتليفون مع التمريض لما بنكون فى البيت، ومع أزمة كورونا وأثرها على التبرعات ، كنا خايفين وقلقانين إلا أن المستشفى لم تتوقف عن تقديم كل الرعاية والعلاج والاهتمام لابنى على أكمل وجه .. ورسالتى لكل الناس اللى عنده صدقة مكانها الصح هو مستشفى 57357، لأنهم أولى مكان بيهان لأنهم بيتاجروا مع الله والتجارة مع الله لا تبور”.
وتحدثنا مع ياسين وقال: “بحب دكتورة سهى، وبحب كمان أقعد فى جنينة المستشفى عشان شكلها حلو ولما أكبر هابقى ظابط وهاجى أزور المستشفى برضه”.
كل قصة لبطل من أطفال 57357 وراها بطل تانى حس به وبألمه وإتبرع وساعده فى رحلة علاجه .. إيديكم فى إيدينا نفرح أبطال تانيين بانتصارهم على السرطان وتحقيق حلم الشفاء.
![](https://www.57357.org/app/uploads/2021/02/unnamed.jpg)