بطلتنا “ليلى”، عمرها 5 سنوات، من الزقازيق، دخلت 57357 فى فبراير 2021، وتم تشخيص إصابتها بورم على الكلى اليسرى، وقرر لها طبيبها المعالج د.أحمد مصطفى، استشارى أورام الأطفال بالمستشفى، البداية بجرعات كيماوى مكثفة لتقليل حجم الورم، وأظهرت الأشعات استجابة الورم للعلاج وتقلص حجمه،وتم اجراء جراحة لاستئصاله،وانتصرت “ليلى” بشجاعة على المرض، وبعد نجاح الجراحة أظهرت تحاليل المتابعة مؤخرًا إصابتها فى النخاع، فتقرر لها تلقى جرعات كيماوى أخرى استعدادًا لعملية زرع نخاع.
“ليلى” رغم صعوبة رحلتها مع المرض، لكنها متفائلة ومحبة للحياة، وفى حديث معها،قالت: “بحب المستشفى قوى علشان بييجى لنا ضيوف حلوين، يلعبوا معانا واحنا بناخد الجرعات، وبيجيبولى هدايا جميلة.. أنا بحب الرسم والتلوين، وبحب الماكياج، وجاتلى هدية جميلةً من طنط رشا (من محبى أطفال 57357 ومدير العلاقات العامة بشركة سى أى كابيتال،أحد شركاء الخير الداعمين لأطفالنا)، فأثناء زيارة وفد الشركة للمستشفى، تبادلت الحديث مع بطلتنا “ليلى”، ووعدتها بإحضار أدوات ماكياج،وبالفعل زارت “ليلى” مرة أخرى، وأحضرت لها ما وعدتها به”.
والد “ليلى”: “المستشفى مش مجرد مكان بيعالج ليلى، لكنهم بمعاملتهم وباهتمامهم بحالتها النفسية “ليلى” نسيت أنها مريضة، وتقول بشجاعة أنا هاعمل الزرع وأخف بسرعة، علشان أكبر وأبقى دكتورة.. المستشفى أنقذوا حياة “ليلى”،وواقفين جنبها، وبيبذلوا كل جهودهم علشان ربنا يشفيها كل دا بالمجان، ياريت كل الناس تعرف أن المكان دا فعلا يستحق إننا كلنا نقف جنبه ونتبرع له، وأنا أول واحد باعمل اللى أقدر عليه،لأن كله راجع لبنتى ولأطفال كتير زيها بيتمنوا الشفاء من السرطان”.
أبطال 57357 رغم أنهم أطفال لكن بيواجهوا المرض بشجاعة كبيرة وأحلامهم كبيرة فى الشفاء من السرطان .. خليك جنبهم بزيارتك ودعمك لرحلة علاجهم هاتنقذ حياتهم، وتحقق حلم طفل فى الانتصار على المرض.
