كل سنة وصرح 57357، اللى بنيتوه معانا من 17 سنة، ولسه واقفين وراه، بيكبر ويتطور أكتر وأكتر.
كل سنة واحنا متجمعين فى الخير، وبيشاركنا فرحتنا عدد أكبر من ولادنا اللى ربنا شفاهم، واتعلموا واتخرجوا، وبقوا شباب، وبدأوا حياة جديدة، وبيشاركوا فى خدمة مجتمعهم.
فى عيد ميلاد 57357.. بنشكركم على ثقتكم فينا، ووقفتكم جنب ولادنا، وحرصكم على دعمهم، حتى فى أصعب الظروف.
لسه فيه أطفال كتير بيحاربوا المرض، وبيحلموا بالفرحة، واحنا فى 57357 متمسكين بتوفير العلاج بمنتهى الجودة والعدالة والرحمة، متمسكين بدعم البحث العلمى اللى هيوصلنا لعلاج السرطان، ومتمسكين بالتعليم والتدريب علشان نوفر أفضل كوادر طبية، وننشر علمنا وخبرتنا داخل وخارج مصر، وبمساعدتكم ودعمكم، هنكون دايمًا سند لولادنا، وهنكمل الرسالة اللى ربنا كلفنا بيها.