أحمد بطل من أبطال 57357 من دمياط عنده 8 سنوات , بدأ رحلة علاجه و دخل المستشفى فى يناير 2022 و تم تشخيصه بالإصابة بسرطان الدم و أقر له طبيبه الاستشارى فى 57357 د. هشام منيب البدء فورا فى جرعاته العلاجية و بالفعل بدأ احمد رحلة علاجه و بفضل الله، تحدى المرض ،و بعد أكتر من سنتين و نصف أحمد النهارده بيستعيد عافيته ، و حالته فى تحسن و الحمد لله
بطلنا زى ما كبر كبرت معاه أحلامه قال : نفسى أطلع ظابط و باتمنى كل أصحابى فى 57357 يخفوا و يحققوا أحلامهم انا بحب 57357 قوى علشان ليا أصحاب كتير فيها خصوصا دكتور هشام بحبه قوى لأنه صاحبى اللى واقف جنبى طول الوقت
تقول والدة أحمد : احنا حاليا بنكمل علاج أحمد وبياخد جرعة كل 3 أسابيع والحمد لله يوم ذهابنا للمستشفى بقى يوم ترفيهى عند أحمد لأنه بيشوف كل أصحابه اللى فى المستشفى و بيشوف دكتور هشام صاحبه , باقول لكل أم و اب عندهم طفل مريض، أصبروا و ما تخافوش وربنا معانا، وإن شاء الله كل ولادنا يخفوا طول ما مستشفى 57357 واقفة معانا ،بتعالجهم و تراعيهم , و ياريت الناس كلها تيجى تزور المستشفى و تتبرع لأن دعمكم هو الأمل الوحيد لولادنا علشان يكملوا علاجهم .
بطلنا أحمد لسه بيكمل علاجه لكنه قرب على الإنتهاء على خير بإذن ، بفضل ربنا، و تبرعاتكم اللى ساعدتنا فى 57357 نوفر له هو وكل أطفالنا المرضى العلاج و الرعاية.