الرجوع الى صفحة التبرعات

أحمد، من المنيا، عنده 3 سنين، من سنتين ونصف، بدأ رحلة علاجه فى مسشفى 57357 من ورم على الكُلى، أحمد من بعد ولادته بشهور قليلة، ظهرت عليه أعراض غريبة، زى ارتفاع درجة الحرارة المصحوب بفقدان الشهية، وطبعًا والدة أحمد استشارت دكاترة كتير فى حالته لحد ما قرروا عمل بعض الإشاعات والتحاليل، اللى أفادت بوجود ورم على الكُلى، ولأن حالته كانت صعبة ومتأخرة، دخل فورًا المستشفى، وتلقى العلاج الكيميائى.
وبعدها أجرى عملية جراحية لاستئصال الغدة القذرية على الكُلى، وتلقى 5 جرعات كيماوى بعد العملية، والاستشارى محمد عبد الرحمن، كان متابع حالته من أول ما بدأ علاجه، وبعد اجتماع الأطباء حول حالة أحمد، قرروا أنه يعمل زرع نخاع ذاتى، علشان يحسن من فرص نسبة الشفاء.
كل ده ماكنش سهل على والدة أحمد، بس هى عندها ثقة كبيرة فى ربنا، وفى كل الفريق الطبى المشرف على حالة ابنها، وبتوجه كل الشكر والتقدير لكل العاملين فى المستشفى، لأنهم ساعدوها كتير أنها تتخطى مع ابنها مراحل العلاج الصعبة ودعموها نفسيًا، أحمد زى كل طفل فى سنه بيحب اللعب وبيحب العربيات، وبيخاف جدًا من الحقن، دعمك لينا هو اللى هيخلى أحمد يلعب زى باقى أصحابه من غير ما يتعب ومايخدش حقن تانى.