الرجوع الى صفحة التبرعات

خديجة، بطلة من أطفال 57357، من الإسماعيلية، ملاك جميل، بتحب كل الناس، عمرها الآن 3 سنوات ونصف السنة، بطلتنا دخلت المستشفى فى يوليو 2023، وتم عمل الأشعات والتحاليل لها، والتى أثبتت إصابتها بسرطان الدم، وبدأت فورًا  فى تلقى جرعات الكيماوى، تحت إشراف الطبيب المعالج لها استشارى أورام الأطفال بـ57357 د. إيمان سيدهم.

رحلة علاج خديجة،كانت فيها تحديات، لكنها كانت شجاعة، وواجهت المرض بابتسامتها الجميلة.

وفى مايو 2024، بعد أن أظهرت التحاليل الدورية، تحسن حالة خديجة واستقرارها، قررت لها طبيبتها المعالجة البدء فى مرحلة المتابعة كل شهرين، وفى آخر متابعة، أكد تحليل البذل عدم وجود أى آثار للسرطان، وأن خديجة تتمتع بصحة جيدة، ورجعت بطلتنا لحياتها الطبيعية، والحمد لله، تلعب وتجرى زى كل الأطفال.

تقول أم خديجة: “زمان كنت فاكرة إعلانات المستشفى دى دعاية وبس، لكن بعد ما عشت التجربة وشفت بعينى معاملة الأطباء والاهتمام الكبير اللى أخذته خديجة، و الرعاية و العلاج، وكل حاجة حلوة بيعملوها لولادنا، أنا دلوقتى باتبرع للمستشفى، وبشجع كل الناس يساعدوا، لأن مستشفى 57357 تستحق كل تبرع وكل جنيه، لأنهم بيخدموا ولادنا بالتبرعات دى”.

حمدلله على سلامتك يا خديجة، وعقبال كل أبطال 57357 و ربنا يشفى كل مريض.