الرجوع الى صفحة التبرعات

تبرعك هيساعد هنا بطلة 57357 تواصل علاجها بعد زرع النخاع

هنا من أبطال 57357، عمرها 9 سنين، دخلت المستشفى من سنتين ونصف السنة، وتم تشخيصها بورم فى الغدة الكظرية فى المرحلة الرابعة، تلقت جرعات كيماوى، وتم اجراء عملية لاستئصال جزء كبير من الورم، ثم تلقت جرعات كيماوى،وتم بعدها عمل زرع نخاع ذاتى لها، ثم بدأت “هنا” من 3 شهور فى تلقي جرعات علاج إشعاعى، وأنهت 12 جلسة، ومن شهر بدأت فى تلقى علاج شهرى والمتابعة الشهرية.

تقول والدة هنا :”أنا كنت فاقدة الأمل فى بنتى، لكن الأمل فى الله كبير، 57357 رجعت ليا الأمل إنها ممكن تعيش وتكون زى باقى كل الأطفال ، ياريت كل الناس تتبرع لأن مستشفى 57357 محتاجة لكل قرش عشان ولادنا تتعالج، أنا وهنا كمان بنتبرع، ولو بأقل حاجة”.
تقول هنا : “أنا بحب 57357، لأن كل مرة باجى هنا بحس إنى جاية، رحلة باجيب بالونات لأصحابى فى المستشفى، ولو لقيت حد منهم بيعيط علشان خايف من العلاج، بلعب معاه، وأقوله ما تخافش، أنا كنت تعبانة وبقيت أحسن، وشعرى بدأ يطلع، ونفسى أطلع دكتورة، عشان أعالج أطفال 57357”.

هنا لسه بتكمل رحلة علاجها ومحتاجة هى وكتير زيها من أطفالنا لكل إيد تتمد لهم بالمساعدة، صدقتك و زكاتك هتساعدنا فى 57357 نكمل مشروع زيادة عدد غرف زرع النخاع من 9 إلى 27 غرفة علشان كتير من أطفالنا زى هنا يقدروا يعملوا زرع نخاع و أملهم فى الشفاء من السرطان يتحقق بإذن الله .